ბრიტანული ბანკი Standard Charted ფიქრობს, რომ SEC ეთერის ETF პროდუქტებზეც იგივე გადაწყვეტილებას მიიღებს, რაც ბიტკოინის მსგავს პროდუქტებზე მიიღო. ბანკის პროგნოზით, ეთერის ETF-ს ამ წლის მაისისთვის უნდა ველოდოთ.
თავის ანგარიშში, Standard Charted წინასწარმეტყველებს საბაზრო კაპიტალიზაციით მეორე ადგილოსანი ქოინის, ეთერის ღირებულების გაზრდასაც. მათი პროგნოზით, ეთერის ფასი დაახლოებით 70%-ით გაიზრდება და 4000$-ს მიაღწევს.
მიუხედავად იმისა, რომ ბაზარი ამჟამად ეთერის ETF-ის არსებობას სკეპტიკურად უყურებს, ბანკი ამბობს, რომ არ არსებობს რეალური მიზეზი იმისა, რომ SEC-მა ეს გადაწყვეტილება არ მიიღოს.
მიუხედავად ბრიტანული ბანკის პროგნოზებისა, თუ ბიტკოინის ETF პროდუქტების დამტკიცების თანმდევ მოვლენებს გავითვალისწინებთ, ეთერის ფასის ამ მიზეზით ზრდა სულაც არ არის გარანტირებული.
