,,ბიტკოინის შემდეგი სამიზნე $8,100-იანი ნიშნულია” – რა მდგომარეობაა კრიპტოსავალუტო ბაზარზე?

Home » ბიტკოინი » ,,ბიტკოინის შემდეგი სამიზნე $8,100-იანი ნიშნულია” – რა მდგომარეობაა კრიპტოსავალუტო ბაზარზე?
28/11/2019
,,ბიტკოინის შემდეგი სამიზნე $8,100-იანი ნიშნულია” – რა მდგომარეობაა კრიპტოსავალუტო ბაზარზე?

ბიტკოინმა ფასის შემცირების სტადია გადალახა და შუა კვირა $7,190 სავაჭრო ფასით დაიწყო, შემდეგ ფასი $6,900-დე შემცირდა, 24 საათში კი 5%-იანი ზრდა განიცადა, რის შედეგადაც დღეს მისი ფასი  $7,540-ია. 

Cointelegraph-ის კონტრიბუტორის, Horus Hughes-ის აზრით, ბიტკოინმა შესაძლოა $8,100-ს მიაღწიოს და გამორიცხავს მისი ფასის შემცირებას, თუმცა აღნიშნავს, რომ ხარული და დათვური სცენარებიც გასათვალისწინებელია.

ტოპ ალტკოინის, ეთერიუმის ფასშიც ცვლილებებია და 3.3%-იანი ზრდის შედეგად მისი ყიდვა $143-ად შეგიძლია.

ასევე Cointelegraph-ის კონტრიბუტორის, Rakesh Upadhyay-ის განცხადებით, თუ ხარები შეძლებენ ეთერიუმის ფასის $151,5-იანი ნიშნულის ზემოთ შენარჩუნებას, შესაძლოა, მალე მისი ფასი კიდევ უფრო გაიზარდოს და $173-ს მიაღწიოს. 

ბაზრის კაპიტალიზაციით მესამე ყველაზე მსხვილი კრიპტოვალუტა – რიპლიც მიყვება დღევანდელ ტრენდს და მისი ფასი 2%-იანი ზრდის შემდეგ $0.225-ია. თუმცა რიპლი ბოლო პერიოდია საკმაოდ სუსტია და ზოგიერთი ანალიტიკოსის ხედვით, მისი ფასი შეიძლება განულდეს კიდეც 2020 წლის თებერვლისთვის.

აღსანიშნავია ისიც, რომ გასული კვირის მანძილზე კრიპტოვალუტების ბაზარმა $40 მილიარდამდე დანაკარგი განიცადა, ბიტკოინის ფასი კი ზრდის დაწყებამდე მაისის შემდეგ პირველად ჩამოცდა $7,000-ს. ზოგიერთი თვლის, რომ ეს დანაკარგი ჩინეთის ცენტრალური ბანკის განცახდებამ გამოიწვია, რომლითაც ბანკმა კრიპტო ინვესტორებს კრიპტოვალუტებთან დაკავშირებული რისკები შეახსენა. 

TD Ameritrade Network-ის მთავარი წამყვანის აზრით კი კრიპტოვალუტების ფასი შემცირდა, რადგან ადამიანებს უბრალოდ აღარ სჯერათ კრიპტოვალუტების. 

თუმცა ფაქტია, რომ კრიპტოვალუტებმა ისევ მწვანე ზონაში გადაინაცვლეს და დღეის მდგომარეობით კრიპტოსავალუტო ბაზრის კაპიტალიზაცია $204.7 მილიარდი დოლარია, რომლის 66.6%-იან წილს ბიტკოინის კაპიტალიზაცია შეადგენს. 

საინტერესოა, გამართლდება თუ არა ვარაუდები და მიაღწევს თუ არა ბიტკოინი $8,100 დოლარიან ნიშნულს? 

შენ როგორ ფიქრობ? 

ეწვიე MyCoins.ge-ის და შენი ვარაუდების მიხედვით მიიღე გადაწყვეტილება, ღირს თუ არა მოასწრო ბიტკოინის შეძენა? 

წყარო: https://myc.ge/33sB0pV

© 2018 MyCoins.ge all rights reserved