FTX-მა მილიარდი დოლარის რაოდენობის GBTC გაყიდა

Home » სიახლეები » FTX-მა მილიარდი დოლარის რაოდენობის GBTC გაყიდა
23/01/2024
FTX-მა მილიარდი დოლარის რაოდენობის GBTC გაყიდა

ფაქტია, რომ დიდი მოლოდინის მიუხედავად, ETF პროდუქტების დამტკიცებამ ბიტკოინის (და დღეს უკვე ყველა კრიპტოვალუტის) გაუფასურება გამოიწვია. ბოლო ერთი კვირის განმავლობაში ყველაზე მაღალი კაპიტალიზაციის მქონე ვირტუალური აქტივის ფასი 9,4%-ით გაუფასურდა.

დღეს ფასი 40 000$-იან ნიშნულსაც ჩამოცდა. კრიპტოენთუზიასტების ნაწილი, ამას FTX-ის მიერ ფასიანი ქაღალდების გაყიდვას უკავშირებს. მოგეხსენებათ, რომ Greyscale-ის პროდუქტი GBTC უკვე 10 წელია არსებობს, და ამ დროის განმავლობაში მან 30 მილიარდი დოლარის ოდენობის აქტივების მოზიდვა შეძლო. ამ ფასიანი ქაღალდების ETF-ად გარდაქმნასა და კიდევ 10 ახალი ETF პროდუქტის ჩაშვებას, SEC-მა მხარი ცოტა ხნის წინ დაუჭირა. მიუხედავად იმისა, რომ მათ მიმართ ინტერესი არსებობს და ETF-ები ინვესტიციებსაც იზიდავენ, GBTC-დან მილიონობით დოლარის რაოდენობის ბიტკოინი გაედინება.

CoinDesk-ის ინორმაციით, ეს გაკოტრებული FTX-ის დამსახურებაა. გასაყიდად გამოტანილი 22 მილიონი ფასიანი ქაღალდის საერთო ღირებულება 1 მილიარდ დოლარამდე იყო. ამავე გამოცემის ინფორმაციით, FTX-ს მეტი მსგავსი ჰოლდინგი აღარ აქვს.

© 2020 MyCoins.ge all rights reserved