დღეის, 4 მაისის მაჩვენებლით, დოჯქოინის (DOGE) მარკეტის ღირებულება $49.8 მილიარდს შეადგენს. ეს კი იმას ნიშნავს, რომ კრიპტოვალუტა ამერიკის ერთ-ერთი ყველაზე დიდი საავტომობილო კომპანიის, Ford-ის ($45.2 მილიარდი) და სოციალური ქსელის გიგანტის, Twitter-ის ($44.1 მილიარდი) ღირებულებაზე მეტი გახდა.
მარკეტზე #5 კრიპტოვალუტა, დოჯქოინი (DOGE), კვლავ ახალ რეკორდებს ხსნის და დღეის მაჩვენებლით, ბოლო 1 კვირაში ≈78% ზრდის შემდეგ მის უმაღლეს ნიშნულს – $0.49-ს აღწევს.
კრიპტომოყვარულთა აზრით, დოჯქოინის (DOGE) ფასის ბოლო დღეებში ასეთი სისწრაფით მატება, ისევ და ისევ ილონ მასკის სოციალურ ქსელში აქტივობასთანაა დაკავშირებული.
რამოდენიმე დღის წინ მასკმა საკუთარი Twitter-ის გვერდზე დოჯქოინი (DOGE) მოიხსენია, რასაც კრიპტომოყვარულთა დიდი აჟიოტაჟი მოჰყვა.
კრიპტომოყვარულთა დიდი ნაწილი მოუთმენლად ელოდება 8 მაისს, როდესაც ილონ მასკი “Saturday Night Live”-ის წინაშე წარდგება. ექსპერტების აზრით, მასკის მიერ გაკეთებულმა განცხადებებმა დოჯქოინზე (DOGE), შესაძლოა, კრიპტოვალუტის ფასზე კიდევ უფრო დადებითად იმოქმედოს. ბევრი კრიპტომოყვარულის აზრით, სწორედ მასკის მიერ გაკეთებული კომენტარები არის დოჯქოინის (DOGE) ფასის ზრდის ერთ-ერთი მთავარი მიზეზი.
შენ რას ფიქრობ, სადამდე ავა დოჯქოინი (DOGE) 2021 წლის ბოლომდე?
