მსოფლიო მასშტაბით, დიდი ეკონომიკების თითქმის ერთდროულად გატარებულმა, შემსუბუქებულმა მონეტარულმა პოლიტიკამ ყველაზე პოპულარული კრიპტო აქტივის ფასის ზრდა გამოიწვია.
ბოლო 24 საათში ყველაზე მაღალი კაპიტალიზაციის მქონე ქოინი დაახლოებით 2%-ით გაიზარდა და Coingecko-ს მონაცემებით, 65 000$-ს გადააჭარბა. ამ ნიშნულზე ბიტკოინი აგვისტოს პირველი კვირის შემდეგ არ ყოფილა.
მიუხედავად იმისა, რომ ბიტკოინის ფასი ამჟამად გასული კვირის მაჩვენებელზე დაახლოებით 10%-ით მეტია, კრიპტო ენთუზიასტები ტენდენციას „ბულ რანს“ ჯერაც ვერ უწოდებენ. ანალიტიკოს უილ კლემენტეს აზრით, „65 000$ ის ფსიქოლოგიური ბარიერია“, რომელიც ბაზარს „ბულ“ განწყობებში დაარწმუნებს.
აქტივის სასარგებლოდ შეიძლება იმუშავოს იმ ფაქტმაც, რომ BlackRock-ის IBIT-ზე „ოფშენებით“ ვაჭრობა ამიერიდან ნებადართულია. ამან, კი შესაძლოა ფიზიკური და ინსტიტუციური ინვესტორების ინტერესი გამოიწვიოს.
