Coingecko-ს მონაცემებით, ბოლო 24 საათში Ripple-ის კრიპტოვალუტა XRP-ის ფასი 6%-მდე გაიზარდა. მიზეზი კი ისაა, რომ Grayscale XRP ტრასტს უშვებს, რომელსაც თავის მხრივ, შესაძლოა მომავალში ETF პროდუქტები (ინდექს ფონდი) მოყვეს.
Grayscale-ის დახურული ფონდი აკრედიტებულ ინვესტორებს პირდაპირ წვდომას მისცემს XRP-ზე. აღსანიშნავია, რომ მსგავსი ტრასტ ფონდის შექმნას Grayscale ჯერ კიდევ 2020 წელს გეგმავდა, თუმცა Ripple Labs-ის წინააღმდეგ, SEC-ის წამოწყებულმა საქმემ პროცესი შეაფერხა. მას შემდეგ, რაც Ripple სასამართლო დარბაზიდან გამარჯვებული გამოვიდა, მასთან დაკავშირებული კრიპტოვალუტის, XRP-ის ირგვლივ ეჭვები გაიფანტა.
როგორც Grayscale-ის პროდუქტისა და კვლევის ხელმძღვანელის, რეიჰანე შერიფ-ასქარის განცხადებაშია აღნიშნული, “XRP-ის აქვს შანსი შეცვალოს ფინანსური ინფრასტრუქტურა”.
