ისრაელისა და ჰამასის ომმა კრიპტო სამყაროც შეარყია – CoinDesk -ის ინფორმაციით, კრიპტო ვალუტების ლიკვიდაციებმა 100 მილიონი დოლარის დანაკარგები გამოიწვია. ორშაბათს, ეთერიუმი 4%-ით, სხვა ალტქოინები კიდევ უფრო მეტად გაუფასურდა.
გეოპოლიტიკურმა მოვლენებმა 105 მილიონი დოლარის გრძელვადიანი პოზიციების (დროის გრძელვადიან მონაკვეთში ფასების ზრდის პროგნოზირება) დაკარგვა გამოიწვია. 11 სექტემბრის შემდეგ ეს გრძელვადიანი პოზიციების ყველაზე მასშტაბური ლიკვიდაციაა.
ინვესტორთა დაფრთხობამ ყველაზე ღირებული ციფრული აქტივის, ბიტკოინის ფასის 2%-იანი ვარდნა განაპირობა, თუმცა BTC ფასი დღეს ისევ დასტაბილურდა. შედარებით დასტაბილურებულია ETH-იც, რომელიც თითქმის 5%-ით გაუფასურდა. თითქმის 7%-იანი ვარდნა ჰქონდათ ისეთ დიდი საბაზრო კაპიტალიზაციის მქონე ქოინებსაც, როგორებიცაა SOL, DOT, MATIC, თუმცა, ისინიც მალევე დაუბრუნდნენ ჩვეულ ნიშნულს.
