მსოფლიოს უმსხვილესი ეკონომიკის ბოლოდროინდელი მდგომარეობა ბიტკოინის ფასის ზრდას გამოიწვევს. – აღნიშნა კრიპტოსავალუტო ბირჟის ,,Gemini”-ს თანადამფუძნებელმა და კრიპტო მილიარდერმა Tyler Winklevoss-მა.
,,ფედერალური ბანკი ბიტკოინის მორიგი ხარული ტრენდისთვის წინაპირობას ქმნის”- აღნიშნა Twitter-ზე 22 ივლისს გამოქვეყნებულ განცხადებაში Tyler Winklevoss-მა და ამას თან დაურთო სამთავრობო სააგენტოს მიზნებზე გამოქვეყნებული სტატია. Winklevoss-ის მტკიცებით, ახლა იდეალური დროა ბიტკოინის საყიდლად, რადგან მთავრობა COVID-19-ისგან ეკონომიკისთვის მიყენებული ზიანის მხარდასაჭერად $2 ტრილიონის მოცულობის „სტიმულირების პაკეტის” ამოქმედებას იწყებს.
ამერიკული დოლარის მოსალოდნელ ინფლაციაზე მითითებით, Winklevoss-მა კიდევ ერთხელ გაუსვა ხაზი იმას, რომ BTC-ის შეზღუდული რაოდენობა და მიწოდება იცავს მის ღირებულების გაუფასურებისგან, რაც მას მიმზიდველ საინვესტიციო აქტივად აქცევს.
აღსანიშნავია, რომ ამ კვირაში ბიტკოინის ფასი ზრდის შედეგად $9,500-იან ნიშნულს გაცდა და $9,527-ს მიაღწია. ფასის დინამიკა კი გასული 7 დღის ჭრილში ასე გამოიყურება.
