ეთერის ETF პროდუქტები უკვე ხელმისაწვდომია და Bloomberg-ის მონაცემებით, მათი სავაჭრო მოცულობა მილიარდ დოლარს უკვე აღემატება. ამ ვაჭრობის მოცულობიდან, ETF პროდუქტებში შედინებული თანხა 106,78 მილიონი დოლარია. თანხის ყველაზე დიდი გადინება კი, როგორც მოსალოდნელი იყო, Grayscale-ის ETHE-დან მოხდა.
შედარებისთვის, იანვარში, ბიტკოინის ETF პროდუქტების ჩაშვების პირველ დღეს, მათი ვაჭრობის მოცულობამ 4,5 მილიარდი დოლარი შეადგინა, რომლიდანაც ETF-ში შესული წმინდა თანხის რაოდენობა 600 მილიონი დოლარი იყო. შესაბამისად, ეთერის ETF პროდუქტებით ვაჭრობის მოცულობის პირველი დღის მონაცემები, ბიტკოინის ETF-ების პირველი დღის შედეგების დაახლოებით 20%-ია.
SoSoValue-ს მონაცემებით, ხელმისაწვდომი ეთერის ETF პროდუქტებიდან, შემოსავლების რაოდენობით ამ დროისთვის 266,5 მილიონი დოლარით BlackRock iShares ETF პროდუქტი, იგივე ETHA ლიდერობს. მას 204 მილიონი დოლარით მოსდევს Bitwise-ის ETHW.
აღსანიშნავია, რომ კრიპტო ბაზარზე დამკვირვებელთა ნაწილი, ეთერის ETF პროდუქტებით ვაჭრობის არაშთამბეჭდავ სტარტს პროგნოზირებდა და ამ შეხედულებას “სტეიკინგ” მექანიზმის არ არსებობით ხსნიდა. თუმცა, გრძელვადიან პერსპექტივაში, ეთერის ETF პროდუქტებისადმი პოზიტიური მოლოდინებიც არსებობს.
