მიუხედავად იმისა, რომ “დერივატივების” ვაჭრობის მოცულობამ მარტში რეკორდულ მაჩვენებლს, 6,18 ტრილიონ დოლარს მიაღწია, საერთო ბაზარზე მისი წილი მაინც 67.8%-მდე შემცირდა. ინფორმაციას CCData ავრცელებს.
როგორც ლონდონური ციფრული აქტივების მონაცემების პროვაიდერი ამბობს, მიუხედავად იმისა, რომ დერივატივებით ვაჭრობა მარტში არნახულად მაღალი იყო, მისი წილი საერთო ბაზარზე უკვე მეექვსე თვეა იკლებს. კრიპტოვალუტებთან მიბმული “ფიუჩერსებისა” და “ოფციების” ვაჭრობამ ცენტრალიზებულ ბირჟებზე 6.18 ტრილიონ დოლარს მიაღწია – რაც ერთად აღებულ ყველა კრიპტოვალუტის საბაზრო კაპიტალიზაციაზე თითქმის 3-ჯერ მეტია.
მიუხედავად ამისა, დერივატივების საბაზრო წილი ისეთ დაბალ მაჩვენებლამდე, როგორიც 67.8%-ია, 2022 წლის დეკემბრის შემდეგ არ ყოფილა. მოვლენა შეიძლება spot ბაზრის მიმზიდველობით აიხსნას – ინვესტორებს spot-ით ვაჭრობა ურჩევნიათ, მისგან სარგებელი უფრო სწრაფად მიიღება.
spot ვაჭრობის მოცულობა 108%-ით გაიზარდა და 2.94 ტრილიონ დოლარს მიაღწია, spot-ისა და დერივატივების საერთო მაჩვენებლმა კი რეკორდულ – 9.12 ტრილიონ დოლარს.
შეგახსენებთ, რომ “დერივატივები” ხშირად ხდება კრიპტო სამყაროში სპეკულაციის საგანი – მას ხანდახან ბაზრის ხელოვნურ მერყეობასა და არასწორი წარმოდგენების შექმნაში “ადანაშაულებენ”. აქედან გამომდინარე, მათი ვაჭრობის წილის შემცირება კრიპტო ბაზარზე შესაძლოა დადებითად აისახოს.
