ახალი კვლევის მიხედვით, რომელიც ბლოკჩეინ ინვესტორთა წამყვანმა ვებგვერდმა (Bitcoin Market Journal) გამოაქვეყნა, კრიპტოენთუზიასტების 70% თავიანთ კრიპტოვალუტებს აქტიურად იყენებენ.
ზოგადად, ინვესტორების გარკვეული კატეგორია კრიპტოვალუტებს მხოლოდ როგორც საინვესტიციო საშუალებას ისე უყურებს. საინტერესოა, როგორია ზოგადი სურათი?
იმისთვის, რომ ამ მიმართულებით გარკვეული ტენდენციები გამოევლინათ, კვლევის ორგანიზატორებმა 35,000-ზე მეტი კრიპტო ინვესტორი გამოკითხეს. შედეგები ასე გამოიყურება:
რესპონდენტების 70%-მა კრიპტოვალუტები ბოლო 12 თვის განმავლობაში სხვადასხვა მიზნისთვის გამოიყენა.
🔵 კრიპტოენთუზიასტების 11%-მა კრიპტოვალუტებით საკვებისთვის გადაიხადა, 12%-მა კი კრიპტოები გართობაში დახარჯა.
🔵 75%-მა არსებული კრიპტოვალუტები სხვა კრიპტოების საყიდლად გამოიყენეს კრიპტო ბირჟებზე.
სხვა კატეგორიები კი ასე გამოიყურება:
🔵 ტრანსპორტირება – 5.04%
🔵 ტანსაცმელი – 8.4%
🔵 განათლება – 8.4%
აშკარაა, რომ კრიპტომოყვარულებში HODL-ერები ერთადერთი კატეგორია არაა და ისინი ციფრულ ფულს ყოველდღიური მიზნებისთვის აქტიურად იყენებენ, კრიპტოების გადახდის საშუალებად დანერგვას კი უფრო მეტი ბიზნესისგან ელიან.
წყარო: finance.yahoo.com
