მსოფლიოში ყველაზე დიდი კრიპტო პლატფორმის, Binance-ის წინააღმდეგ წამოჭრილი ბრალდებების გასაბათილებლად, კომპანიას 4,3 მილიარდი დოლარის გადახდა მოუწევს. დამფუძნებელმა, შან-პენგ ჟაომ (CZ), სიეტლში კონკრეტულად მისთვის წარდგენილი ბრალდებები აღიარა და 50 მილიონი დოლარით დაჯარიმდა. CZ-მ დატოვა Binance-ის CEO-ს პოსტიც, მის ნაცვლად ამ თანამდებობას რიჩარდ ტენგი დაიკავებს.
Binance-ს ადანაშაულებენ ფულის გათეთრების მექანიზმის გაუმართვობაში, სანქციების კანონის დარღვევასა და ფულის გადარიცხვის არალიცენზირებულ საქმიანობაში.
გენერალური პროკურორი, მერიკ გარლანდი, გუშინდელ პრესკონფერენციაზე ამბობდა, რომ “Binance-ის თანამშრომლებმა იცოდნენ რომ სანქცირებულ ქვეყნებში ათასობით მომხმარებელს ემსახურებოდნენ და იცოდნენ, რომ ამერიკელ მომხმარებლებსა და საქნცირებული ქვეყნების მომხმარებლებს შორის გადარიცხვები ამერიკული კანონის დარღვევა იქნებოდა. თუმცა, ამას მაინც აკეთებდნენ.”
