JPMorgan-ის გლობალური გადარიცხვების უფროსი, ტაკის ჯორჯაკოპულოსი აცხადებს, რომ კომპანია, ყოველდღიურად JPM Coin-ში შესრულებულ მილიარდი დოლარის ღირებულების ტრანზაქციებს უმკლავდება. JPM Coin კომპანიის ციფრული აქტივია. აქამდე გავრცელებულ, ივნისის მონაცემებთან შედარებით, მაჩვენებელი მკვეთრადაა გაზრდილი.
ბლუმბერგთან ინტერვიუში, ჯორჯაკოპულოსმა კრიპტოს პოტენციალი დადებითად შეაფასა და გამოყო ის სამი მთავარი პრობლემა, რომელიც ციფრული აქტივებით გადახდის სისტემებს ამჟამად აქვთ, ესენია: გადახდების სიჩქარე, ფულისა და ინფორმაციის ცალ-ცალკე მოძრაობა და ურთიერთჩანაცვლება. მისი თქმით, JPM Coin სწორედ ამ პრობლემების გადაჭრას ცდილობს. ამჯერად, აქტივი მხოლოდ დიდი კომპანიებისთვისაა ხელმისაწვდომი, თუმცა, ჯორჯაკოპულოსმა არ გამორიცხა მისი საცალო ჩაშვებაც.
