არგენტინის საპრეზიდენტო არჩევნები ხავიერ მილეიმ მოიგო. მილეი საკუთარ თავს ანარქო-კაპიტალისტს უწოდებს და კრიპტოვალუტასთან დაკავშირებითაც აქვს გეგმები. ახალი პრეზიდენტის აზრით, “ცენტრალიზებული ბანკები თაღლითობაა” და “ფული თავის შემქმნელს – კერძო სექტორს უნდა დაუბრუნდეს”. მილეის აზრით, ბიტკოინი სწორედ ამ არსის მატარებელია. მიუხედავად იმისა, რომ ჯერ ბიტკოინი ლეგალურად ვაჭრობის საშუალებად არ დაუსახავს, მილეი ინფლაციის შესაჩერებლად არგენტინის დოლარიზაციასა და ცენტრალური ბანკის დაშლას აპირებს.
რამდენიმე გამოცემა სწორედ მილეის გამარჯვებას უკავშირებს ბიტკოინის 3%-იან ზრდას. არჩევნების შედეგების გამოცხადებიდან მოყოლებული, კრიპტოვალუტა გაძვირდა.
