სხვადასხვა პროგნოზის თანახმად, 2020 წელი ბიტკოინისა და კრიპტოვალუტების წლად გამოცხადდა, წელი უკვე დაიწყო და საინტერესოა, რა მდგომარეობაა ბაზარზე?
2020 წლის მეორე სავაჭრო დღეს ყველაზე მსხვილი კაპიტალიზაციის მქონე კრიპტოვალუტა $7,000-იან ნიშნულს ჩამოცდა, თუმცა მისმა ფასმა ზრდა დაიწყო და დღეს $7,348-ს შეადგენს.
$130-იანი ნიშნულის გადაჭარბების მცდელობის შემდეგ ეთერიუმის ფასი საპირისპიროდ შეიცვალა და წლის დასაწყისში $125-ს მიაღწია.
ამჟამინდელი მდგომარეობით, ეთერიუმის ფასმა 3%-მდე ზრდა განიცადა და მისი ყიდვა $133,36-ად შეგიძლია.
ერთ-ერთი პოპულარული კრიპტო ანალიტიკოსის განცხადებით, ეთერიუმის ფასი მალე საგრძნობლად შესაძლოა გაიზარდოს და $260-იან ნიშნულს მიაღწიოს.
რიპლის ფასი ახალი წლის დასაწყისში სტაბილურად $0.18339 და $0.20041 სავაჭრო ფასებში მერყეობს.
ბაზრის ჯამური კაპიტალიზაცია ამ მომენტისთვის $186.7 მილიარდია, რომლის 68.2%-ს ბიტკოინის კაპიტალიზაცია შეადგენს.
ახალი წლის მესამე დღეს, ფასის მატებას განიცდის ალტკოინების უმეტესი ნაწილიც.
საინტერესოა, როგორ შეიცვლება ბაზრის მდგომარეობა მომდევნო დღეებში?
წყარო: https://myc.ge/2QLYEcw
